ՀՀ Սահմանադրություն՝ փոփոխված հանրաքվեով 06.12.2015թ.

ԳԼՈՒԽ 1

ՍԱՀՄԱՆԱԴՐԱԿԱՆ ԿԱՐԳԻ ՀԻՄՈՒՆՔՆԵՐԸ

Հոդված 1. Հայաստանի  Հանրապետությունն   ինքնիշխան, ժողովրդավարական, սոցիալական, իրավական պետություն է:

Հոդված 2. Հայաստանի Հանրապետությունում իշխանությունը պատկանում է ժողովրդին:

Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեuված պետական և տեղական ինքնակառավարման մարմինների ու պաշտոնատար անձանց միջոցով:

Իշխանության յուրացումը որևէ կազմակերպության կամ անհատի կողմից հանցագործություն է:

Հոդված 3. Մարդը, նրա արժանապատվությունը, հիմնական իրավունքները և      ազատությունները

ՀՀ Սահմանադրություն՝ փոփոխված հանրաքվեով 27.11.2005թ.

Գ Լ ՈՒ Խ  1

ՍԱՀՄԱՆԱԴՐԱԿԱՆ ԿԱՐԳԻ ՀԻՄՈՒՆՔՆԵՐԸ

Հոդված 1. Հայաստանի Հանրապետությունը ինքնիշխան, ժողովրդավարական, սոցիալական, իրավական պետություն է:
Հոդված 2. Հայաստանի Հանրապետությունում իշխանությունը պատկանում է ժողովրդին:

Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձանց միջոցով:

Հայաստանի Հանրապետության սահմանադրություն ընդունված 05.07.1995թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ս Ա Հ Մ Ա Ն Ա Դ Ր ՈՒ Թ Յ ՈՒ Ն

(Ընդունված 05.07.1995թ.)

Գ Լ ՈՒ Խ  1

ՍԱՀՄԱՆԱԴՐԱԿԱՆ ԿԱՐԳԻ ՀԻՄՈՒՆՔՆԵՐԸ

 

Հոդված 1. Հայաստանի Հանրապետությունը ինքնիշխան, ժողովրդավարական, սոցիալական, իրավական պետություն է:

Հոդված 2. Հայաստանի Հանրապետությունում իշխանությունը պատկանում է ժողովրդին:

Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձանց միջոցով:

Հունվարյան նախագծեր Քննարկումներ ՀՀ Սահմանադրության վերաբերյալ

ՄԻԱՍՆԱԿԱՆ ԴԱՍ-ՔՆՆԱՐԿՈՒՄ

ՕՐԸ՝ Հունվարի 23

ԺԱՄԸ՝ 11:05-11:50

ՎԱՅՐԸ՝ Ավագ դպրոցի ընթերցասրահ

ՄԱՍՆԱԿԻՑՆԵՐ՝ 11-րդ դասարանի հասարակագիտական խմբեր

ԴԱՍԱՎԱՆԴՈՂ՝ Մահտեսյան Հայկ

ՆՊԱՏԱԿԸ՝ 

• Նպաստել սովորողների մոտ սահմանադրության վերաբերյալ գիտելիքների ձևավորմանը:
• Նրանցից յուրաքանչյուրի մոտ ձևավորվի ինքնուրույն կարծիք այն քաղաքական գործընթացների վերաբերյալ, որոնք ընթանում են Հայաստանի Հանրապետությունում Սահմանադրության վերջին փոփոխությունից հետո:
• Որպես ՀՀ քաղաքացի, նրանց մոտ ձևավորվի քաղաքական կամքի գիտակցում և ինքնուրույն մտածելակերպ:
• Ձեռք բերելով գիտելիքներ քննարկվող հարցի վերաբերյալ, կարողանալ ծավալել ակտիվ քննարկումներ նրա վերաբերյալ:

Ուսումնական շաբաթվա ամփոփում

         Ստանալով աշխատանքի հրավեր Մխիթար Սեբաստացի կրթահամալիրի ավագ դպրոցից, սույն թվականի հունվարի 14-18-ն ընկած ժամանակահատվածը 9-11-րդ դասարանների աշակերտներին դասավանդեցի իրավունք և պատմություն առարկաները: Ունեցածս տպավորությունները բավականին դրական են, հատկապես այն առումով, որ աշակերտները մեծ հետաքրքրություն են ցուցաբերում առարկաների նկատմամբ՝ պատրաստ լինելով հայտնելու իրենց կարծիքը տարբեր հարցերի շուրջ, ինչը վկայում է ոչ միայն նրանց ունեցած մասնագիտական բարձր գիտելիքների ու հմտությունների մասին, այլ նաև այն, որ ունեն ինքնուրույն ձևավորված տեսակետ, կարողանում են արտահայտել իրենց մտածմունքներն ու խորհումները, անհրաժեշտության դեպքում իրականացնելով դրանք տարբեր ծրագրերում: Ասածներիս լավագույն ապացույցը կլինի հաջորդ ուսումնական շաբաթում իմ կողմից կազմած նախագծի շրջանակներում նրանց մասնակցությունը դաս-քննարկմանը, որը նվիրված է Հայաստանի երրորդ Հանրապետության Սահմանադրությանը, նրանում տեղ գտած փոփոխությունները և պետության կարգին, կառուցվածքին ու ձևին: